Bahasa ibundaku I






terdapat berbagai bahasa di Malaysia ni tapi bahasa yang paling kusanjungi adalah bahasa ibu abahku... nk tau???? teka la ap... ni klue dia..

Amun ditakuni kalah kakanakan wayahini, tahulah tuhuknya baulah bandang, sahih kada'nya tahu... imbah tu, ako handak mamadahi kayapang maulah bandang ni....


1. Manampak, Baulah Tanah Langis Awan Malabuh Amun babandang, sadia urang maninggal gasan pari banih, rampun banih nang di tangahan bandang. Dibiar akan ripo, hanyar dikatam. Gamainya di taruhi diatas gudang.

2. Parak musim handak mamulai babandang hanyar pang diirek, dihilai, diuroi, diasingakan lambukut ,hampa barat, padi banar disukat gantangannya maikut luas tanah nang handak dibandangi. 

3. Sampai harinya, handak marandam, berataan sakariahan baaruh manulak bala, mambawa wadai sabigi rumah sapiring, disaruani tuan gurunya mambaca doa. Malamnya hanyar pang baumbai marandam. Cukup talu hari, randaman dibangkit, dipadat sampai malatik akarnya. 

4. Hari isuknya hanyar belelingai di batas ban, maulah wadah tampakan. Di bawah sakali dilapiki daun nipah, dilapisi pulang awan palapah pisang. Imbahtu hanyar mancabuk belanak, dituyuk satabul-satabul. Talah mancabuk, balanak diratakan.

5. Talah merata, hanyar banih dirubui. Tuntung marubui ditudungi awan daun pisang. Diandaki pulang warangan dihiga tampakan, supaya tampakan kada diudak tikus. 

6. Cukup saminggu tampakan dibuka. Pahadangan tu, di bandang tanah langis atau tampat radihan kana disadia akan. Manarung, purun, katang-katang, kaladi banyu, ranjauan, batang karatan ditajak. Kumpainya dipuntal, ditata di kuliling wadah radihan.

7. Talah baulah tanah langis, hanyar tampakan diungkap sakaping-sakaping babaya dua tabah ganalnya. Imbah tu tampakan dibuat ka dalam tungkah atawa plastik tabal, ditarik ka tampat tanah langis lalu dilabuh barang samalam dua. Esoknya bila pucuk labuhan mulai mungkul, batangnya mulai karas urang gin mulai meradih.


ap lagi teka la? hehe

No comments: